Gazetari Armand Plaka ka publikuar në rrjetin e tij social një foto historike, që botohet për herë të parë, me pasazhin nga operacionet britanike në Shqipëri përgjatë Luftës së Dytë Botërore. Më tej ai shënon në historikun e kësaj fotoje se: “Pas sulmit të koordinuar mes forcave britanike dhe atyre partizane shqiptare ndaj linjave mbrojtëse gjermane në bregdetin shqiptar, u kapën disa robër gjermanë. Në foton e postuar këtu, shfaqen këta të fundit në brigjet pranë Sarandës në nëntor 1944, të imbarkuar në varkat e britanikëve që do t’i transportonin ata më pas në anijet aleate.”