Tërmeti i 26 nëntorit dhe pasojat e ardhura prej tij janë bërë shkak i marrjes së masave të reja sa i takon ndërtimeve dhe cilësisë së tyre.

Nisma ligjore e depozituar në Kuvend përfshin dy nene të reja që i shtohen Kodit Penal, ku parashikohet deri në 15-vjet burg për personat që dëmtojnë me dashje ndërtesa, objekte punlike, vepra të infrastrukturës dhe çdo objekt tjetër që mund të rrezikojë jetën ose shëndetin e njerëzve për shkak të ndërhyrjeve të paligjshme.

Shkatërrimi i plotë ose i pjesshëm i çdo objekti do të dënohet me gjobë ose me burg deri në 5 vite. Kur prej ndërhyrjeve të paligjshme të jenë shkaktuar pasoja të rënda materiale, dënimi do të jetë nga 5 deri në 10 vjet burg.

Në rastet kur do të ketë pasoja të rënda për jetën dhe shëndetin e qytetarëve, dënimi do jetë nga 7 deri në 15 vjet burg.

Hartusit e projektligjit shprehen se këto ndryshime kanë si synim rritjen e përgjegjshmërisë së subjekteve ndërtuese me qëllim ushtrimin e veprimtarisë së tyre duke zbatuar rregullat me rigorozitet.

Leave a Reply

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}

Gjithashtu mund t'ju interesojnë

Miratohet hapja e të gjitha dosjeve të ish-Sigurimit
Rezultati i sundimit sovjetik në Ukrainë
Ministria e Diasporës u mbyll; Diaspora, problemet dhe përparësitë e saj mbeten
Forumi: Të dhëna personale të qytetarëve në rrezik dhe diktatura
Tmerri i Prishtinës, tmerri i Ballcës dhe tmerri i dështimit tonë politik
Si i trajtojnë gjermanët ata që lavdërojnë Hitlerin…

Leave a Reply

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}